മുറിവ് പേറുന്ന വെയില്‍

ഉണങ്ങാത്ത മുറിവുകള്‍ സൂക്ഷിക്കുന്ന വെയിലിന്റെ കൂടെ
പറിച്ചെറിഞ്ഞിട്ടും പോകാത്ത നിഴലിന്റെ കൂടെ
ഒരു തുണയായി യാത്ര പോകുന്നത്
സൂര്യനെ കാണാത്ത, വെയില്‍ ഓടി ഒളിക്കുന്ന
മഞ്ഞുകാലത്തിന്റെ ഓര്‍മകളിലേക്കാണ്

പെയ്തു തോര്‍ന്നത്‌

ഈ ജനലിലൂടെ പെയ്തു തോര്‍ന്നത്‌

മരുന്നിന്റെ മണങ്ങളിലൂടെ 

കാണാന്‍ പറ്റാത്തതായിരുന്നു.  

സ്നേഹത്തിന്റെ മണം പൂക്കളുടെതല്ല

കഴിക്കാന്‍ മറന്നു പോയ മരുന്നുകളുടെതാണ്.

കേട്ടത്

ഇവിടെ ഇപ്പൊ പൂക്കള്‍ക്ക് മണം ഇല്ലെന്നു പറഞ്ഞപ്പോള്‍
അമ്മ, മുറ്റത്തു വിരിഞ്ഞു കൊണ്ടിരിക്കുന്ന രണ്ടു അനന്തശയനം പൂക്കളെ കാണിച്ചു തന്നു.
കാതിലൂടെ,
അതിന്റെ മണം ഞാന്‍ കേട്ടു, അതിന്റെ ഭംഗി ഞാന്‍ കേട്ടു
അതിന്റെ ഇതളുകള്‍ പതിയെ വിടരുന്നത് ഞാന്‍ കേട്ടു
പൂവിനു ചുറ്റുമുള്ള ആ പുതിയ പ്രകാശത്തെ ഞാന്‍ കേട്ടു
എല്ലാം കേട്ടു.
കേട്ടത്
ഞാന്‍ വീണ്ടും വീണ്ടും കണ്ടു.
ഓര്‍ത്തോര്‍ത്തു കണ്ടു....

കാഴ്ചകള്‍

കണ്ണുകള്‍ക്ക്‌ ഉള്‍ക്കൊള്ളാനാകാത്ത കാഴ്ചയായത് കൊണ്ട് 

പലഭാഗങ്ങളിലൂടെ ഞാനാ കാഴ്ച ചരിഞ്ഞു മുറിച്ചു നോക്കി.

മനസ്സിനുള്‍ക്കൊള്ളാനായില്ല മുറിച്ചു നോക്കിയ ആ കാഴ്ചകള്‍ !

കാണേണ്ടിയിരുന്നില്ല ഒന്നും ! 

കണ്ണാടി

കണ്ണാടി നോക്കാതെ 

സ്വന്തം സൌന്ദര്യം 

മറന്നു പോയവര്‍ക്ക് /അറിയാന്‍ പറ്റാത്തവര്‍ക്ക്

Location : Thunersee, Switzerland

Swiss-unlimited

And then my heart with pleasure fills,
And dances with the daffodils.

പൂപ്പാത്രങ്ങള്‍

Flower pots from the tulip garden, Netherlands