കേട്ടത്

ഇവിടെ ഇപ്പൊ പൂക്കള്‍ക്ക് മണം ഇല്ലെന്നു പറഞ്ഞപ്പോള്‍
അമ്മ, മുറ്റത്തു വിരിഞ്ഞു കൊണ്ടിരിക്കുന്ന രണ്ടു അനന്തശയനം പൂക്കളെ കാണിച്ചു തന്നു.
കാതിലൂടെ,
അതിന്റെ മണം ഞാന്‍ കേട്ടു, അതിന്റെ ഭംഗി ഞാന്‍ കേട്ടു
അതിന്റെ ഇതളുകള്‍ പതിയെ വിടരുന്നത് ഞാന്‍ കേട്ടു
പൂവിനു ചുറ്റുമുള്ള ആ പുതിയ പ്രകാശത്തെ ഞാന്‍ കേട്ടു
എല്ലാം കേട്ടു.
കേട്ടത്
ഞാന്‍ വീണ്ടും വീണ്ടും കണ്ടു.
ഓര്‍ത്തോര്‍ത്തു കണ്ടു....